စာလုပ်ချိန်နည်းနည်းနဲ့ အမှတ်များများရစေမယ့်
စာလုပ်နည်း (၅) ခု

စာပိုလုပ်တိုင်း အမှတ်ပိုကောင်းမယ်ဆိုတာ အမြဲမမှန်ပါဘူး

စာမေးပွဲမှာ အမှတ်ကောင်းကောင်းချင်ရချင်ရင်
ညလုံးပေါက် ဖင်ပူတဲ့ထိ စာကျက်ရမယ်၊
စာကြည့်ခန်းမှာပဲ စာကြမ်းပိုးလုပ်ရင်းအချိန်ကုန်ရမယ်လို့
ကျောင်းသားတော်တော်များများက ထင်နေကြတုန်းပါပဲ။

စာပိုလုပ်တိုင်း အမှတ်ပိုကောင်းမယ်ဆိုတာ အမြဲမမှန်ပါဘူး။
Business Term တွေနဲ့ တင်စားပြီးပြောရရင်
အောင်မြင်နေတဲ့ CEO တွေမှာ
အလုပ်ချိန်ပိုနည်းပေမယ့်
ရလဒ် ၁၀ ဆ ပိုထွက်တဲ့ နည်းလမ်းတွေရှိပါတယ်။

အဲ့ဒီလိုမျိုးပါပဲ ကျောင်းသားတွေမှာလည်း
နည်းနည်းပဲလုပ်ပေမယ့် အများကြီး ထိရောက်မယ့်
စာလုပ်နည်းတွေရှိပါတယ်။
အဲ့ဒီထဲက (၅) ခုကို ဒီ POST မှာ ဝေမျှပေးလိုက်ပါတယ်။

(၁) High ROI Strategy (အချိန်ရဲ့ တန်ဖိုးကို တွက်ပါ)

CEO တွေက သူတို့ရဲ့ အချိန်ကို
(ROI - Return on Investment)နဲ့ တိုင်းတာကြပါတယ်
ကိုယ်ပေးလိုက်တဲ့
ကိုယ်ရင်းနှီးမြှုပ်နှံလိုက်တဲ့ အချိန် ၊ ငွေ ၊ ခွန်းအား အပေါ်မှာ
အမြတ်အစွန်းဘယ်လောက်ရသလဲဆိုတာကို
ROI လို့ခေါ်ပါတယ်

ကျောင်းသားတစ်ယောက်အနေနဲ့လည်း
ကိုယ်သုံးလိုက်တဲ့ စာလုပ်ချိန်ဟာ
တကယ်ရော ROI များရဲ့လား ပြန်မေးဖို့ လိုပါတယ်။

• Low ROI: စာအုပ်ကြီးကို ဖွင့်ပြီး ၆ နာရီတိတိ
  ဟိုစာဒီကူး ဒီစာဟိုကူးနဲ့ မိတ္တူကူးစက်လုပ်နေတာ၊
  ( Illusion of Learning အကြောင်း ကျနော် အရင်က ပြောခဲ့ဖူးပါတယ် )
• High ROI: စာကျက်ပြီး စာမရတာမျိုး မဖြစ်စေမယ့်
  Active Recall စာလုပ်နည်း ကို အသုံးပြုတာ (လင့်မှာ အသေးစိတ်သွားဖတ်လို့ရပါတယ်)

ဒီလိုနည်းလမ်းပုံစံမျိုးတွေနဲ့ ROI ကို တွက်ချက်နေဖို့လိုပါတယ်။

ROI များတဲ့ စာလုပ်နည်းတွေကို ရွေးသုံးပါ

(၂) Automate First (စက်ကိုခိုင်းစားလို့ရသလား တွေးကြည့်ပါ)

ခေါင်းစိုက်ပြီး
မရမက စာကျက်ဖို့ မကြိုးစားခင်မှာ
ကိုယ့်ကိုယ်ကို အရင်မေးကြည့်ပါ။
“ဒါကို Internet Learning နဲ့ သို့မဟုတ် AI နဲ့
အလွယ်တကူ လေ့လာလို့ရနိုင်မလား?”

• မျက်စိနဲ့ တစ်ခါမှမမြင်ဖူးလို့ ၊
  စိတ်ကူးထဲမှာလည်း ပုံဖော်ကြည့်လို့မရလို့
  ဦးနှောက်စားနေတဲ့ Physics ၊ Chemistry ၊ Bio တို့လို Topic တွေဆိုရင်
  YouTube တို့ Khan Academy တို့ ရှိပါတယ်။
  Internet ကို သုံးပြီး စာလေ့လာတာဟာလည်း
  စာအုပ်ဖတ်နေတာထက်စာရင်
  အချိန်တိုတွင်းမှ တန်းပြီးနားလည်သွားစေပါတယ်
  ဒါဟာ Leverage ပါပဲ။
  

Internet learning က တချို့ topic တွေကို ပိုမြန်မြန်နားလည်စေပါတယ်

(၃) Student Flow (Deep Work)

တချို့ကျောင်းသားတွေ တစ်ပတ်လုံး စာလုပ်နေတာတောင်
ပိတ်ရက်မှာ ၂ ရက်ပဲ စာလုပ်တဲ့ ကျောင်းသားကို မကျော်နိုင်ဘူး။
စာလုပ်ချိန်များပြီး စာရတာနည်းတယ်ဆိုရင်
အဲ့ဒါဟာ “Focus” အာရုံစူးစိုက်မှုနဲ့ဆိုင်ပါလိမ့်မယ်

စာလုပ်မယ်ဆိုပြီး ထိုင်လိုက်တယ်။
ပြီးရင် TikTok ကို ၁၀ မိနစ် တစ်ခါ ဝင်ကြည့်တယ်။
ကိုယ့်ဆီဝင်လာတဲ့ Messages တွေကို ညလုံးပေါက်ထိုင် reply ပြန်နေတယ်။
အခက်ဆုံး စာတွေမလုပ်ရသေးခင်မှာတင်
သင့်ရဲ့ ဦးနှောက်က (Cognitive battery) ဘက်ထရီကုန်နေပါပြီ။

အာရုံစူးစိုက်ပြီး စာလုပ်ပါ

(၄) 80/20 Rule ကိုသုံးပြီး အရေးကြီးတာကို ဦးစားပေးပါ

စာအုပ်ထဲက စာမျက်နှာတိုင်းဟာ စာမေးပွဲမှာ
အမှတ်ပေးတာချင်း မတူပါဘူး။

တချို့စာက ၁နာရီကြည့်တာနဲ့ ၁၀မှတ်ဖိုးရပြီး
တချို့စာက ၂နာရီလောက်အချိန်ပေးတာတောင် ၁ မှတ်မတန်ပါဘူး။

ဒါကြောင့် အရာအားလုံးကို
အကုန်လိုက်လုပ်နေဖို့ အချိန်မရှိတဲ့အခါ
80/20 Rule ကို သုံးရပါမယ်။

စာမေးပွဲရဲ့ အမှတ် ၈၀ ဖိုးက တကယ်အရေးကြီးတဲ့ ၂၀% သော စာတွေကနေ လာတာပါ

ပုံမှန်အားဖြင့် အမှတ် ၁၀၀ ဖိုးမေးမယ့် စာမေးပွဲတစ်ခုကို
အကြမ်းဖျဉ်းခွဲခြမ်းစိတ်ဖြာကြည့်ရင် —

• အမှတ်၈၀ဖိုး သင်ရိုးမှာ တကယ်အရေးကြီးပြီး သိကိုသိရမယ့် Textbookရဲ့ ၂၀% ကနေ လာပါတယ်။
• ၁၀မှတ်ဖိုး အရမ်းလွယ်ပြီး အောင်မှတ်ပေးတဲ့ အပိုင်းက လာပါတယ်။
• ၁၀မှတ်ဖိုး အရမ်းခက်ပြီး ဂုဏ်ထူးမှတ်ကို သတ်တဲ့အပိုင်းက လာပါတယ်။

ဒါကြောင့် အောင်မှတ်တောင် မပိုင်သေးတဲ့အချိန်မှာ
ဂုဏ်ထူးမှတ်တန် ပုစ္ဆာတွေကြည့်ပြီး အချိန်ကုန်နေမယ့်အစား

အဓိကအမှတ် ၈၀ ဖိုးရစေမယ့် "တကယ်အရေးကြီးတဲ့ ၂၀%" ကို
အရင်ဆုံး ပိုင်အောင် လုပ်ရပါမယ်။

ဒါကြောင့် အမှတ်နည်းတဲ့ ခေါင်းစဉ်လေးတွေ၊
သိပ်မရေးကြီးတဲ့ အပိုင်းတွေကို
အချိန်အများကြီး ပေးပြီး
အသေးစိတ် စာထိုင်ကျက်နေမယ့်အစား...

တကယ် အမှတ်များများရနိုင်မယ့်၊
အရေးကြီးတဲ့အပိုင်းတွေကို
Prioritize လုပ်ပြီး(အဓိကထားပြီး) စာအရင်လုပ်ဖို့က အသက်ပါပဲ။

အပေါ်က ကျနော်ပြောခဲ့တာကို မျက်စိရှုပ်နေရင်
အောက် Video လေးမှာ သေချာလေးနားထောင်လို့ရပါတယ်

(၅) ကိုယ်နဲ့ ကိုက်ညီတဲ့ စာလုပ်နည်းကိုရှာပါ

နောက်ဆုံးတစ်ချက်ကတော့ ကိုယ်နဲ့ အကိုက်ညီဆုံး၊ (Burnout မဖြစ်စေမယ့်)
Zone of Brilliance (အကောင်းဆုံး အလုပ်လုပ်နိုင်တဲ့ပုံစံ)ကို ရှာဖွေဖို့ပါ။

သူများတွေက စာအုပ်ကြီးထိုင်အော်ဖတ်မှ
စာရတယ်ဆိုပေမယ့်

ကိုယ်နဲ့ကိုက်ညီတဲ့ learning style ကို ရှာသုံးတာက အရေးကြီးပါတယ်

အဖွဲ့လိုက် ဆွေးနွေးရတာကို သဘောကျရင်
အခန်းထဲမှာ တစ်ယောက်တည်း အောင်းမနေဘဲ
Study group တွေနဲ့ စာလုပ်ပါ။

ကိုယ့်ကို ပင်ပန်းစေတဲ့ စာလုပ်နည်းတွေကို စွန့်လွှတ်ပြီး
ကိုယ်နဲ့ အကိုက်ဆုံးနည်းလမ်းကို ရွေးချယ်ပါ။

ကျောင်းသားဘဝဆိုတာ တစ်ခါပဲ ရှိတာပါ။
ခေတ်မမီတော့တဲ့၊ အချိန်ကုန် လူပင်ပန်းဖြစ်စေမယ့် စာလုပ်နည်းတွေနဲ့
ကိုယ့်ရဲ့ တန်ဖိုးရှိတဲ့ အချိန်တွေကို မဖြုန်းမိပါစေနဲ့။

သူတို့ကို Share ပေးချင်တယ်ဆိုရင်
အောက်က ဒီလင့်လေး လက်ကလေးနဲ့ ဖိ Copy ကူးပြီး
ဒီ blog လေးကို ပြန်ရှယ်လို့ရပါတယ်
Sharing is caring

Haru
1% Better Every Day